Боруссия Мёнхенгладбах сырт алаңда жеңіске жетті

Бундеслиганың 13-туры "Майнц" және Мёнхенгладбахтың "Боруссия" клубтары арасындағы жұма күнгі ойынмен басталды. Бірінші таймда "Боруссия" басымдық танытқанымен, 17-минутта соғылған гол ережебұзушылық себебімен жарамсыз деп танылды.

Екінші таймда, 58-минутта "Майнц" қақпасы алдында болған тартыста "Майнц" қорғаушысы Данни Да Коста өз қақпасына гол соғып алды. Осыдан кейін, алаң иелері көп допқа иелік етуге тырысқанымен, есепті теңестіре алмады.

Нәтижесінде ойын 0:1 есебімен аяқталды. "Майнцтың" Бундеслигадағы жеңіссіз ойындар сериясы тоғызға жетті және олар 6 ұпаймен турнир кестесінің соңғы орнында қалды.

Ал Мёнхенгладбахтың "Боруссиясы" 16 ұпаймен тоғызыншы орынға көтерілді.