Гутидің Мбаппе мен Ямалға кеңесі

Мадридтің «Реал» клубының бұрынғы футболшысы Гути Криштиану Роналду мен Лионель Мессидің ұлылығы туралы ой білдірді. «Сіз он жақсы ойын көрсете аласыз, бірақ ең маңызды сәтте байқалмасаңыз, мұның ешқандай мәні жоқ.

Роналду мен Месси туралы бұл сөздерді айту мүмкін емес – олар әрқашан табысқа жеткен. Мбаппе, Ямал және басқалары осы екі ұлы футболшыға жақындағылары келсе, дәл осындай қасиеттерді меңгеру қажет», – деді испандық бұрынғы жартылай қорғаушы сұхбатында.

Айта кетейік, Криштиану Роналду қазіргі кезде Сауд Арабиясының «Аль-Наср» клубында, ал Лионель Месси АҚШ-тың «Интер Майами» клубында ойнап жүр. Килиан Мбаппе мен Ламин Ямал тиісті түрде Мадридтің «Реал» және «Барселона» клубтарының намысын қорғайды.