Эрик Гарсия: Капитан болу — менің басты мақсатым емес

«Барселона» қорғаушысы Эрик Гарсия команда болашағы мен оның алдағы уақытта капитан болуы мүмкіндігі жайында пікір білдірді. «Әлі де көптеген нәрсені жақсартуымыз керек – әрі жеке, әрі командалық тұрғыда.

Біздің командамыз өте жас әрі дамуға зор әлеуеті бар. Алда көптеген табысты жылдар келеді.

Менің басты мақсатым капитан болу емес – бұл табиғи жолмен келуі мүмкін. Маған әрқашан әріптестеріме көмектесу ұнайды», – деді Гарсия «Барселона» баспасөз қызметіне берген сұхбатында.

Бұған дейін «Барселона» бас бапкері Ханс-Дитер Флик Эрик Гарсияның болашақта команданың капитаны болу мүмкіндігіне тоқталған болатын. Сондай-ақ, Гарсия клубпен келісімшартын 2031 жылдың ортасына дейін ұзартты.