"Манчестер Юнайтед" Саид Эл-Маланы 60 млн еуроға сатып алуы мүмкін

Германияның "Кельн" клубының шабуылдаушы жартылай қорғаушысы Саид Эл-Мала Англия Премьер-Лигасына ауысуы мүмкін. Bild басылымының хабарлауынша, 19 жастағы вингерге "Манчестер Юнайтед" қызығушылық танытуда.

Дереккөздің мәліметінше, "Кельн" ойыншысын 60 миллион еуроға бағалаған. Мәміле жазғы трансфер терезесінде ресмиленуі ықтимал.

Эл-Маланың клубпен қолданыстағы келісімшарты 2030 жылдың ортасына дейін жарамды. Футболшының нарықтық құны 18 миллион еуро деп бағалануда.

Ағымдағы маусымда вингер 16 матчқа қатысып, 6 гол соғып, 3 нәтижелі пас берген.