Пейчинович Бундеслигада Мюллерден кейінгі ең жас неміс хет-трик жасаушы

Бундеслигада «Вольфсбург» өз алаңында «Фрайбургке» 3:4 есебімен жеңілді. Кездесуде алаң иелерінің шабуылшысы Йенен Пейчинович хет-трик жасады.

Opta мамандарының ақпаратына сәйкес, Пейчинович 20 жас 308 күнінде үш гол соқты. Осылайша ол 2010 жылдан бері Бундеслигада хет-трик жасаған ең жас неміс футболшы атанды.

Сол кезде Томас Мюллер 20 жас 230 күнінде Германия чемпионатындағы бір ойында үш рет қарсылас қақпасын дәл көздеген болатын. Қазіргі уақытта «Вольфсбург» Германия чемпионатының турнирлік кестесінде 14-орында тұр.

Келесі турда «қасқырлар» сырт алаңда «Бавариямен» ойнайды. Кездесу 11 қаңтар күні өтеді.