"Челси" Грекия жартылай қорғаушысы Карецасты сатып алуы мүмкін

Бельгия чемпионатында өнер көрсетіп жүрген грек жартылай қорғаушысы Константинос Карецас Англия Премьер-лигасының жетекші клубтарының бірінде мансабын жалғастыруы мүмкін. Teamtalk хабарлауынша, футболшыға Лондонның "Челси" клубы айтарлықтай қызығушылық танытып отыр.

Ақпарат көзінің мәліметіне сәйкес, "Челси" Карецастың трансферін келесі жылы ресми түрде бекітуі ықтимал. 18 жастағы футболшы Transfermarkt порталының дерегіне сәйкес, 28 миллион еуроға бағаланған.

Оның "Генк" клубымен қазіргі келісімшарты 2029 жылдың маусым айының соңына дейін жарамды. Осы маусымда Бельгия чемпионатында Карецас 17 кездесуге қатысып, 6 нәтижелі пас берген.