Мичел "Жирона" командасын басқаруда 200 матчқа жетті

«Жирона» жексенбі күні өз алаңында жанкүйерлерін көңілсіз қалдырды. Мичел басқаратын команда Ла Лига аясында «Атлетикоға» 0:3 есебімен жол берді.

Бұл кездесу 50 жастағы маман үшін «Жирона» бас бапкері ретіндегі 200-ресми ойыны болды. Алайда мерейтойлық ойынның нәтижесі көңілге қонымсыз шықты.

Мичелдің қол астында өткізілген 200 кездесуде «Жирона» 85 рет жеңіске жетіп, 39 рет тең ойнаған, ал 76 ойында жеңіліске ұшырады. Қазіргі уақытта «Жирона» Ла Лига турнирлік кестесінде 18-орында тұр, бұл төменгі лигаға түсіп қалу қаупі бар аймақ.

Команда келесі чемпионат кездесуін 4 қаңтар күні қонақта «Мальоркаға» қарсы өткізеді.