Нерес: Чемпионатта ойынымызды күшейтуіміз керек

Бразилиялық жартылай қорғаушы Давид Нерес Италия Суперкубогы финалында басты қаһарманға айналды: ол «Болонья» қақпасына екі гол соғып, клубына тағы бір жүлдені сыйлады. Ойыннан кейін ол өз ойы мен сезімдерімен бөлісті.

«Әрине, қуаныштымын: дубль жасадым, бірақ жалпы жеңіс маңыздырақ. Біз жүлдені жеңіп алдық.

Бәлкім, бұл бізге чемпионатта да ойынымызды жақсартуға көмектесер. Мұны «Кремонезеге» қарсы келесі ойыннан-ақ бастауымыз қажет», — деп бразилиялық футболшының сөзін calcionapoli1926.it келтіреді.

Еске сала өтейік, «Наполи» 1991 және 2014 жылғы жеңістерден кейін Италия Суперкубогын үшінші рет жеңіп алды. Нерес 2024 жылы Неапольге көшіп келген.