Италия Суперкубогы келесі маусымда АҚШ-та өтуі мүмкін

Италия Суперкубогының келесі ойыны АҚШ-та өтуі мүмкін. Бұл туралы La Repubblica хабарлады.

Ақпаратқа сәйкес, Сауд Арабиясы Азия кубогын өткізуге дайындалғандықтан, турнирді қабылдамайды. Соңғы шешім көктемде өтетін, А Сериясының барлық 20 клубы қатысатын дауыс беру кезінде қабылданады.

Флорида және басқа оңтүстік штаттардан бөлек, Еуропа елдерінде өткізу нұсқасы да қарастырылуда. Сондай-ақ, турнир форматы чемпионат жеңімпазы мен кубок жеңімпазы арасындағы дәстүрлі жарысқа қайта оралуы мүмкін.

Қазіргі трофей иегері — «Наполи». Команда 22 желтоқсан күні финалда «Болоньяны» 2:0 есебімен жеңген.