Салах мансабын жалғастырудың екі жолын таңдауы мүмкін

«Ливерпульдің» жұлдызды шабуылшысы Мохамед Салахтың мүддесін қорғайтын футбол агенті Рами Аббас ойыншының болашағы туралы пікір білдірді. «Мохамед „Ливерпульде“ қалуы немесе Сауд Арабиясы чемпионатына ауысуы мүмкін», — деп агенттің сөзін Sabah басылымы келтірді. Еске салайық, Салахтың мерсисайдтық грандпен қолданыстағы келісімшарты 2027 жылдың жазында аяқталады. Англия Премьер-лигасының ағымдағы маусымында 33 жастағы мысырлық футболшы 14 матчқа қатысты. Мохамедтің еншісінде 4 гол және 3 нәтижелі пас бар. Салахтың нарықтық құны 30 миллион еуроға бағаланады.