Вьери пікірінше әлемдегі ең күшті лига — Серия А

«Миланның» бұрынғы шабуылшысы Кристиан Вьери Италияның Серия А чемпионатын бүгінде футбол әлеміндегі ең беделді әрі ең күшті лига ретінде мойындады. Бұл туралы euro-football.ruхабарлайды.

Маманның айтуынша, Италия чемпионатында әрдайым интрига бар: жүлде үшін бір ғана емес, бір мезетте бірнеше негізгі үміткер күреседі.

«Әр ойын — шайқас. Серия А — Еуропадағы ең жағымды чемпионат. Көшбасшылар жиі ауысады, соған қарамастан біз төрт клуб арасындағы тартыстан ләззат аламыз», — деді Вьери La Gazzetta dello Sport басылымына.

Қазір турнир кестесінде «Интер» көш бастап тұр: 15 турдан кейін миландықтар 33 ұпай жинады. «Нерадзурриден» кейін «Милан» (32), «Наполи» (31), «Рома» (30) және «Ювентус» (29) орналасқан.