Канчельскис Еуропадағы ең табысты ресейлік футболшыны атады

Ресей футболының бұрынғы жұлдызы Андрей Канчельскис «Монако» сапында ойнайтын жартылай қорғаушы Александр Головин туралы пікір білдірді. Бұл туралы euro-football.ru хабарлайды. хабар береді.

Маманның айтуынша, Головин Франция чемпионатында тұрақты ойын көрсетіп жүр және қазіргі таңда Еуропада ойнап жүрген ресейлік футболшылардың ішінде ең табыстысы саналады. Канчельскис оның нәтижелерін «ПСЖ»-дағы Матвей Сафоновтікінен де жоғары бағалады.

Головин 2018 жылы Мәскеудің ЦСКА клубынан «Монакоға» ауысты. Ол монегасктар құрамында 251 матчқа қатысып, 36 гол соғып, 41 нәтижелі пас берді.

Жартылай қорғаушының клубпен қолданыстағы келісімшарты 2029 жылға дейін есептелген.