"Барселонаның" екі жұлдызы - Педри мен Ферран Торрес әйгілі El Hormiguero шоуына қонақ болып, жанкүйерлердің ең көп қызықтыратын сұрақтарының біріне жауап берді. Олардан "егер мүмкіндік болса, "Реал" құрамынан қай футболшыны "Барсаға" алғыңыз келеді?" деп сұрады.
Бір қызығы, жауапта ешқандай күмән болмады - екеуінің ойы бір жерден шықты.
Педри: Менің ойымша, Килиан Мбаппе.
Торрес: "Иә, Мбаппе."
Бұл таңдау бекер емес. Француз шабуылшысы биылғы маусымда "Реал" сапында өте нәтижелі ойын көрсетуде: 33 кездесуде алаңға шығып, 38 гол және 6 нәтижелі пас авторы атанды. Мұндай сандар кез келген команда үшін "дайын гол машинасы" дегенді білдіреді.
Қазіргі уақытта Ла Лигада чемпиондық жарыс қызу жүріп жатыр: "Барселона" турнир кестесінде көш бастап тұр, ал "Реал" бір ұпай айырмашылығымен артта қалып отыр. Демек, El Clasico рухы тек алаңда ғана емес, сұхбаттарда да сезіледі.
Қысқасы, Педри мен Торрестің жауабы мынадай сигнал беріп тұр: қарсыластың ең мықтысы - саған да керек. Бірақ бұл сұрақтың өзі де жай әзіл емес: Ла Лигада әрбір ұпай үшін күрес жүріп жатыр, ал Мбаппе дәл осы күресті шеше алатын деңгейдегі фигура.
“Zamin”-ді Telegram-нан оқыңыз!
