Өзбекстан президенті Шавкат Мирзияев 24 март күні Жаңа Ташкентте салынып жатқан ірі заманалық футбол алаңының құрылыс барысымен танысты. Мемлекет басшысы құрылыс жұмыстарының сапалы және мерзімге сай орындалуының ерекше маңыздылығын атап өтті.
Қазіргі уақытта алаң құрылысы қарқынды жүріп жатыр. Жерді тегістеу жұмыстары толығымен аяқталып, іргетас құю жұмыстары 95 пайызға жуықтады. Құрылыс алаңына металл-құрылымдық материалдар кезең-кезеңімен жеткізілуде. Сондай-ақ 55 мың көрерменге арналған стадион 6 қабатты болады, 10-нан астам эскалатор орнатылады, аумақта 3 қосымша жаттығу алаңы ұйымдастырылады, жақын маңда метро станциясы мен 5,5 мың орындық автотұрақ салынады.
Мәліметтерге қарағанда, бұл нысан 100 миллион долларға бағаланып, 2027 жылы Өзбекстан мен Әзірбайжанда өтетін 20 жасқа дейінгі футболшылар арасындағы әлем чемпионатына арналған. Әлем чемпионатының финалдық және жартылай финалдық ойындары 50 мыңнан астам көрермен сиятын стадионда өтуі ФИФА талаптарына жатады.
Президент Мирзияев стадионның елімізде алғаш рет осындай үлкен сыйымдылықты жабық спорт ғимараты екенін ерекше атап өтіп, құрылыс және айналасын абаттандыру жұмыстарын кезең-кезеңімен және сапалы түрде жүзеге асыру қажеттігін айтты.
Жаңа Ташкент стадионы ұлттық спортты дамытуда ғана емес, халықаралық жарыстарды өткізуде де маңызды рөл атқарады деп бағалануда.
