Сауд Арабиясының Премьер-лигасының 28-турында «Әл-Наср» сырт алаңда «Әл-Охдудқа» қарсы алаңға шығып, сенімді ойын көрсетті. Эр-Рияд клубы кездесуді 2:0 есебімен өз пайдасына аяқтап, маңызды үш ұпайға ие болды.
Ойында есепті алдымен команданың жұлдызы Криштиану Роналду ашты. Ол матчтың 15-минутында мансабындағы 968-голын соғып, тағы бір тарихи нәтижеге қол жеткізді. Екінші таймның басында Жоау Феликс есепті екі еселеп, жеңісті бекітті.
Матч барысында «Әл-Наср» басымдықты өз қолына алып, қарсыласқа айтарлықтай мүмкіндік бермеді. Қорғаныс пен шабуылдағы тұрақты ойын Эр-Рияд клубына ойынды толық бақылауда ұстауға мүмкіндік берді.
Сауд Арабиясының Премьер-лигасы. 28-тур
«Әл-Охдуд» – «Әл-Наср» 0:2
Голдар: Роналду 15’, Феликс 47’
«Әл-Наср» құрамы: Бенто, Бушал, Симакан, Амри, Айман, Брозович, Анжело (Ғариб, 82), Коман (Әл-Хайбари, 67), Мане, Феликс, Роналду (Әл-Хамдан, 82).
Осы нәтижеден кейін «Әл-Наср» ұпай санын 73-ке жеткізіп, чемпиондық жарыстағы қысымды күшейтті. Кестеде «Әл-Хилал» 68 ұпаймен екінші орында, ал «Әл-Ахли» 66 ұпаймен үшінші орында тұр.
“Zamin”-ді Telegram-нан оқыңыз!
