«Челси» бас бапкері Лиам Росениор «Брайтонға» қарсы 0:3 есебімен ауыр жеңілістен кейін команда ойыны мен футболшылардың алаңдағы қарым-қатынасынан қатты наразылығын жасырмады. Оның сөздері клуб ішіндегі жағдайдың маңызды екенін көрсетіп тұр.
Росениордың айтуынша, алаңда күресуді тоқтатқан команда туралы айтылуының өзі қабылданбайтын жағдай. Ол бұл туралы барлық сұрақтарды тікелей футболшыларға қою керектігін айтты:
«Сұрақтарды футболшыларға қойыңыздар. Қай клубта ойнағаныңызға қарамастан, сізді күресуді тастады деп айтулары – мүлдем қабылданбайтын жағдай. Мен тек осыны айта аламын», — деді Росениор.
Маман өзін өте ауыр және шок жағдайында сезініп отырғанын білдіріп, бүгінгі ойын тек оның тактикалық көзқарастарына ғана емес, клубтың негізгі құндылықтарына да толық қайшы келгенін атап өтті. Ол мұндай жағдай қайталанбауы керектігін ашық айтты:
«Маған ауыр. Мен шоктамын, себебі бүгінгі ойын менің принциптеріме де, клуб құндылықтарына да сай келмеді. Бұл өзгеруі керек», — деді Росениор.
Росениор әзірше барлық мән-жайға тоқталмайтынын, бірақ өзінің нақты қорытындылары бар екенін де қосты. Оның пікірінше, нәтиже тек бапкерге жүктелмейді, командалық жауапкершілік те үлкен маңызға ие:
«Мен қазір мән-жайға егжей-тегжей тоқталғым келмейді. Менің өз ойым бар. Нәтиже тек бапкерге байланысты емес», — деді Росениор.
Ол «Челсидің» әрқашан күрес, ерік және мінезбен танылуы керектігін ерекше атап өтті. Бірақ оның сөздеріне қарағанда, «Брайтонға» қарсы кездесуде бұл қасиеттердің ешбірі көрінбеген:
«Біздің команда әрқашан күрес, ерік және табандылықтың үлгісі болуы керек. Бірақ бүгін алаңда бұның ізі де көрінбеді», — деді Росениор Sky Sports-қа.
Қазіргі жағдай одан да алаңдаулы — «Челси» қатарынан бес ойын бойы гол соға алмай келеді. Бұл команданың Чемпиондар лигасына жолдама үшін күресіне елеулі қысым жасап отыр және алдағы ойындардың маңыздылығын одан әрі арттыруда.
“Zamin”-ді Telegram-нан оқыңыз!
