«Барселона» «Хетафені» жеңіп, көшбасшылығын нығайта түсті
«Барселона» командасы Испания чемпионатының кезекті турында «Хетафе» үстінен 2:0 есебімен сенімді жеңіске жетті. Бұл жетістік каталониялықтарды ел чемпиондығына одан әрі жақындата түсті.
Бұл туралы Goal.com хабарлайды.
Кездесуде Фермин Лопес пен Маркус Рэшфорд соққан голдар Ханси Флик командасына маңызды үш ұпай сыйлады. Қазіргі уақытта «көк-анар түстілер» турнир кестесінде ең жақын ізбасарынан 11 ұпай алда келеді.
Команданың жас қорғаушысы Пау Кубарси чемпиондық бәйге туралы өз ойымен бөлісті. Оның айтуынша, киім ауыстыратын бөлмеде ешкім ұпайларды есептеп отырған жоқ, керісінше, совринді тезірек жеңіп алуға назар аударылған.
Журналистер жас таланттан чемпиондықты «Реал Мадридке» қарсы ойында шешу немесе қарсыластардан чемпиондық дәлізін қабылдау туралы сұрады. Кубарси болса команда үшін тек соңғы нәтиже маңызды екенін атап өтті.
«Бәрі өте жылдам болып жатыр, мен әлі де мұны сезініп үлгермедім. Бірақ командамыздың жақсы нәтиже көрсетіп жатқанына қуаныштымын.
Біз чемпиондықты мүмкіндігінше тезірек ресімдегіміз келеді», — деді қорғаушы.
Егер келесі турда «Барселона» «Осасунаны» жеңіп, «Реал Мадрид» ұпай жоғалтса, чемпиондық мәселесі мерзімінен бұрын шешілуі мүмкін. Бұл Ханси Флик үшін Испаниядағы дебюттік маусымында үлкен жетістік болмақ.
Пікірлер 0
…