Real Madrid қорғаушысы Альваро Каррерас жаттығу кезінде Антонио Рюдигермен болған келіспеушілік туралы хабарламаларға түсініктеме берді. Әлеуметтік желілерде тараған қауесеттерге сәйкес, команда ішіндегі ахуал ушығып, ойыншылар арасында жанжал туындаған. Бұл туралы Goal.com хабарлайды.
Өзінің Instagram парақшасы арқылы мәлімдеме жасаған Каррерас жазылған ақпараттың шындыққа жанаспайтынын баса айтты. Ол клубқа және бапкерлер штабына деген адалдығы бірінші күннен бастап жоғары екенін және кәсіби тұрғыда жұмысын жалғастыра беретінін жеткізді.
Баспасөзде Рюдигер жаттығу кезінде Каррерасқа қол жұмсады деген ақпарат тараған болатын. Қорғаушы бұл оқиғаны нақты есім атамай-ақ, жай ғана команда мүшесімен болған кішігірім және шешімін тапқан жағдай деп атады.
Real Madrid лагеріндегі ахуал бапкер Альваро Арбелоа үшін де оңай емес. Команданың сәтсіз ойындары аясында Дани Себальос пен басқа да ойыншылар арасындағы келіспеушіліктер, сондай-ақ Килиан Мбаппе’нің жаттығулардағы ашушаңдығы клубтағы қысымның артып келе жатқанын көрсетеді.
“Zamin”-ді Telegram-нан оқыңыз!
