Жапонияда жасанды интеллект негізінде жұмыс істейтін Awababy қосымшасы әзірленді. Ол ата-аналарға нәрестенің неліктен жылап жатқанын түсінуге көмектеседі.
Хабарланғандай, қосымша шамамен 150 мың аудиожазба негізінде оқытылған. Алгоритм дыбыстың биіктігін, тембрін және ұзақтығын талдап, жылаудың себебін анықтайды. Қосымша 11 түрлі жағдай мен қажеттілікті таниды. Олардың қатарында аштық, ұйқышылдық, ыңғайсыздық, жалғыздық, температураның өзгеруі, асқазан ауруы және қамқорлықты қажет ететіндер бар.
Сондай-ақ, пайдаланушылар әртүрлі жағдайларда баланы қалай тыныштандыруға болатыны туралы тәжірибе алмаса алады. Бұл жалпы ұсыныстар базасын қалыптастыруға қызмет етеді. Хабарланғандай, 20 апрельден бастап Жапонияның Мисима қаласында екі жасқа дейінгі балалары бар отбасылар үшін қосымшаның премиум нұсқасы тегін ұсынылады.
