Оңтүстік Кореяның "Samsung" компаниясы осы жылдың соңына дейін Қытай нарығында теледидарлар мен тұрмыстық техника саудасын толығымен тоқтатуды жоспарлап отыр. Бұл туралы Nikkei басылымы өз дереккөздеріне сүйеніп хабарлады.
Бұл жөнінде Ixbt.com хабарлайды.
Компания басшылығы бұл мәселе бойынша түпкілікті шешімді сәуір айының соңында қабылдайды деп күтілуде.
Аталған шешім "Samsung" брендінің Қытайдан толықтай кеткенін білдірмейді. Компания елдегі тоңазытқыш, кір жуғыш машина және кондиционер шығаратын зауыттарын сақтап қалады.
Алайда бұл қуаттар енді ішкі нарық үшін емес, тек басқа мемлекеттерге экспорттау үшін қызмет ететін болады.
Сарапшылардың пікірінше, мұндай қадамға Қытай нарығындағы күшті бәсекелестік себеп болған. "Xiaomi", "TCL" және басқа да жергілікті брендтер өнім сапасын айтарлықтай арттырып, әлдеқайда арзан бағаларды ұсынуда.
Нәтижесінде "Samsung" өнімдерінің баға бойынша бәсекеге қабілеттілігі төмендеп кетті.
"Samsung" өкілдері әзірге жаһандық бизнес құрылымы жүйелі түрде қайта қаралып тұратынын айтумен шектелуде. Компания Қытайдағы қызметті құрылымдық өзгерту бойынша әлі ресми шешімге келмегенін мәлімдеді.
“Zamin”-ді Telegram-нан оқыңыз!
