Иранда ел халқы үшін халықаралық интернет желісіне қолжетімділік жақын арада қалпына келтірілетіні хабарланды. ISNA агенттігінің Байланыс және ақпараттық технологиялар министрі Саттар Хашемиге сілтеме жасап хабарлауынша, тиісті процесс басталып кетті және алдағы 24 сағат ішінде бүкіл халықтың желіге қосылуы күтілуде. Бұл туралы Ixbt.com хабарлайды .
Бұған дейін Tasnim агенттігі Иран президенті Масуд Пезешкианның елде интернетті пайдалануға қатысты шектеулерді алып тастау туралы бұйрық бергенін хабарлаған болатын. Осы нұсқау аясында билік өкілдері халықаралық желі сегментіне қосылуды қалпына келтіру жұмыстары басталғанын растады.
Алайда, NetBlocks халықаралық мониторинг қызметінің мәліметтері бойынша, Иранда интернет әлі де өшірулі күйінде қалуда. Цифрлық бұғаттау 88 күннен астам уақыттан бері — барлығы 2088 сағат бойы жалғасуда. Қызмет сарапшылары президенттің бұйрығына қарамастан, шектеулер әзірге сақталып отырғанын атап өтуде.
Естеріңізге сала кетейік, Ирандағы интернеттің ауқымды түрде өшуі әлеуметтік және экономикалық процестерге елеулі әсер етті. Ресми Тегеранның бұл шешімі халықаралық қауымдастық пен жергілікті пайдаланушылар тарапынан көптен күткен қадам болды.
“Zamin”-ді Telegram-нан оқыңыз!
