Бұхарада 3,2 магнитудалы жер сілкінісі тіркелді

Өзбекстан Төтенше жағдайлар министрлігінің Республикалық сейсмоболжау мониторинг орталығының баспасөз қызметінің хабарлауынша, 8 қараша күні сағат шамамен 09:14-те ел аумағында жер сілкінісі байқалған. Жер сілкінісінің эпицентрі Бухара облысының Газли қаласында орналасқан.

Эпицентрдегі жер сілкінісінің магнитудасы M=3,2-ні құраған, жер асты дүмпулерінің күші 3 балл деп бағаланған. Жер сілкінісінің ошағы жер астында 10 шақырым тереңдікте орналасқан.

Газли қаласының тұрғындары 2 баллдық жер дүмпулерін сезген болуы мүмкін. Басқа өңірлерде, аудандар мен қалаларда жер асты тербелістері тіркелмеген.