Бұхарада 1 күнде 3 рет жер сілкінді: халық арасында алаңдаушылық күшеюде

Бүгін, 22 мамыр күні Бұхара облысы аумағында тағы да жер сілкінісі тіркелді. Сейсмологтардың мәліметінше, күн ішінде болған кезекті жер сілкінісінің магнитудасы 4 балды құрады.

Белгілі болғандай, жер сілкінісі сағат 10:44 шамасында болды. Ошағы Жондор ауданы аумағында орналасып, Ташкент қаласынан шамамен 526 шақырым оңтүстік-батыс қашықтықта тіркелді. Жер асты дүмпуінің тереңдігі 10 шақырымды құрады.

Мамандардың мәліметінше, жер сілкінісі кейбір аудандарда сезілген. Атап айтқанда, Ғазалы қаласында 2-3 балл шамасында жер тербелісі байқалды. Сондай-ақ, Пешку, Қаракөл және Жондор аудандарында да жер сілкінісі 2 балл күшінде сезілді.