Жаңа жыл мереке күндері Өзбекстандағы барлық медициналық мекемелер тәулік бойы жұмыс режиміне көшеді. Халыққа медициналық көмек кезекші мамандар тарапынан көрсетіледі. Бұл туралы podrobno.uzхабарлайды.
Денсаулық сақтау министрлігінің мәліметінше, осы күндері барлық деңгейдегі ауруханаларда, соның ішінде мамандандырылған орталықтарда, клиникаларда, сондай-ақ ауданаралық травматология және кардиология бірлестіктерінде шамамен 20 мың медицина қызметкері кезекшілік етеді. Министрлік жанынан арнайы үйлестіруші штаб та құрылды.
Емдеу мекемелерінде қосымша төсек-орындар дайындалды, қажетті дәрі-дәрмек қорлары қалыптастырылды. Республика шұғыл медициналық көмек ғылыми орталығы, оның 13 өңірлік филиалы және шамамен 200 елді мекендегі шұғыл көмек бөлімшелері де тәулік бойы жұмыс істейді.
Ел бойынша шұғыл медициналық көмек қызметінің 2 860-тан астам бригадасы толық дайындықта болады. 231 перзентхана және 233 балалар медициналық мекемесі де жұмысын үздіксіз жалғастырады.
Денсаулыққа қатысты мәселелер бойынша азаматтар министрліктің 1003 қысқа нөмірлі сенім телефонына тәулік бойы хабарласа алады.
Сондай-ақ, Өзбекстан азаматтары Жаңа жылға байланысты қатарынан бес күн демалады. Барлық қызметкерлер үшін 31 желтоқсан (сәрсенбі) және 2 қаңтар (жұма) қосымша демалыс күні болып белгіленген. Алты күндік жұмыс аптасында істейтіндер үшін 3 қаңтар (сенбі) де жұмыс күні болмайды.
“Zamin”-ді Telegram-нан оқыңыз!
«Меҳмон» тобындағы келушілер бұл жарияланымға пікір қалдыра алмайды.
