Өзбекстанда барлық министрліктер мен кеңселерде конкурс негізінде ең көп кітап оқыған қызметкерге бір айлық жалақы мөлшерінде ақшалай сыйақы беріледі. Бұл Президент қаулысымен "Оқу мәдениетін дамыту және халық арасында кітап оқуға деген қызығушылықты арттыру шаралары" аясында белгіленді.
Қаулыға сәйкес, 2026 жылдың 1 апреліне дейін барлық министрліктер мен кеңселерде "Кітап бұрышы" құрылады, қызметкерлер үшін ай сайын "Кітап оқу сағаты" енгізіліп, ішкі рейтинг жүйесі жолға қойылады.
Сондай-ақ, 2026 жылдың 1 мартына дейін кәсіби қызмет бойынша ұсынылатын әдебиеттер тізімі қалыптастырылады. Жыл сайын кемінде үш шетелдік кәсіби әдебиет өзбек тіліне аударылып, түсініктемелермен, сөздіктермен және мысалдармен толықтырылады.
Жастар мен студенттер де ынталандырылады: ең көп кітап оқыған топ-100 оқушы мен студенттерге 10,3 миллион сум көлемінде ақшалай сыйлық беріледі.
Президент қаулысына сәйкес, Жастар істері агенттігі жанынан Кітап оқу мәдениетін дамыту қоры құрылады. Жалпы білім беретін мектептерде "Жәдидтер ізімен" кітап оқу клубтары жұмыс істейді.
Қаулының негізгі мақсаты - 2026-2030 жылдары халықтың кітап оқуын арттыру және бір адамға жылына орта есеппен 10 кітап оқуға қол жеткізу. Қор қаражаты жас жазушыларды қолдап-қуаттауға, балалар әдебиетін дамытуға және дарынды авторларды ынталандыруға бағытталады.
“Zamin”-ді Telegram-нан оқыңыз!
