Эрталаб уйқудан уйғониш қанчалик мураккаб эканини ҳар бир инсон билади. Будильник (уйғотадиган соат)ни “яна беш дақиқага” ўтказишни кўпчилик амалга оширади.
Нима учун будильникдаги вақтни узайтирамиз
Тана биз уйғонгунимизга бир соат қолганда табиий равишда уйғонишга тайёргарлик кўради. Аста-секин ҳарорат кўтарилади, кортизол ишлаб чиқарилади. Агарда ҳар куни турли соатларда будильник бўйича уйғонсак, организм туришга тайёр бўла олмаслиги мумкин.
Будильник бизни чуқур уйқу ҳолатидан, тана ҳарорати паст бўлган пайтда “чиқариб олади”.
Айнан шунинг учун ташқарида совуқ ва ёмон экани ҳақида тасаввур пайдо бўлади, тўшак эса – дунёдаги энг илиқ ва қулай жой бўлиб кўринади.
Каравотни тарк этмаслик учун будильникдаги вақтни 15–20 дақиқага, кейин эса яна 10 дақиқага узайтирамиз. Натижада тонгнинг ўзида бир неча маротаба уйғонамиз.
Бу нимага олиб келади
Яна озгина ухлаб олсак, ўзимизни яхши ҳис этамиз, деб умид қиламиз. Бироқ уйқу босқичларида бундай арифметика иш бермайди. Соатни ярим соатга узайтириб, яна ухлаб қолиб, чуқур уйқуда бўламиз. Будильник эса тайёгарликсиз уйғониш лозим бўлган пайтда ишлаб кетади, организм нима рўй бераётганини тушунмайди. Энди каравотдан туриш янада қийин бўлади.
Уйқу инерцияси механизми ишлаб кетади: бироз секинлашиш, кучсизлик ва бошда оғриқ пайдо бўлади. Кўпчилик буни тонгги оддий ҳолат сифатида қабул қилади. Бироқ бундай эмас ва тонгни янада яхшироқ кайфиятда қарши олиш мумкин.
Тонгда яхши кайфият билан уйғонишни қандай таъминлаш мумкин
Енгил уйғониб, соатни узайтирмаслик учун ўзингизнинг ички соатларингизни созланг.
Организм уйғониш вақти қачон эканини билса, унга аввалдан тайёргарлик кўра бошлайди.
Ҳар куни бир вақтда туринг (ҳар бир дақиқа аҳамиятга эга). Соатни узайтирманг, яна 10 дақиқа ухлаб олишга ҳаракат қилманг. Эсингизда турсин, бу сизга яхши кайфият бера олмайди, аксинча, аҳволингизни қийинлаштириб, уйқу инерциясини чақиради.
Хулоса
Ҳатто белгиланганидан камроқ ухласангиз ҳам, уйғонишингиз билан каравотдан туришингиз муҳим. Яна бир неча дақиқа ухлаб олишнинг уддасидан чиқиб бўлмайди, организмни алдаш мумкин эмас. Яхшиси, илиқ душ қабул қилинг ёки иссиқ чой ичинг – бу тонгги вақтларда тана ҳароратининг пасайиши билан боғлиқ ёмон кайфиятни йўқотишда ёрдам беради.
Ҳар куни бир вақтда уйғонишга тайёрланинг, ҳаттоки дам олиш кунлари ҳам жадвалдан четга чиқманг. Икки-уч ҳафталик амалиёт – ҳамда сиз ички соатларингизни созлайсиз.
Манба: Kun.uz “Замин” янгиликларини “Twitter”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Америкалик олимлар барча учун бирдек фойдали жисмоний фаоллик турини аниқлади
Россия дунёдаги биринчи водород ёқилғили автомобилни тақдим этди
Эрон президенти жиддий баёнот берди: «Исроилдан ҳеч нарса қолмайди»
Сариқми ёки яшил: қайси турдаги банан фойдалироқ?
Германияда мактаб ўқувчилари оммавий равишда ислом динини қабул қилмоқда
Пиёда юриш ва боғдорчилик билан шуғулланиш депрессияга чалинишни 23 фоизга камайтиради
Қайси кундалик одатлар иммунитет пасайишига олиб келишини биласизми?
Ортиқча вазнли инсонлар учун соғлом овқатланишнинг бешта муҳим қоидаси
