Avvalroq, O‘zbekiston Respublikasi Markaziy banki xorijiy valyutalarning so‘mga nisbatan yangi qiymatlarini e’lon qilgani va 1 AQSh dollari 3889 so‘m 65 tiyinga ko‘tarilib, 8100 so‘mni, 1 yevro esa 4678 so‘m 60 tiyinga oshib, 9645 so‘m 48 tiyinni tashkil etgani, 1 Rossiya rubli 68 so‘m 73 tiyinga qimmatlab, 139 so‘m 91 tiyin etib belgilangani haqida xabar bergan edik.
Xorijiy valyutalarning so‘mga nisbatan qiymatining keskin oshishi yuzasidan O‘zbekiston Respublikasi Markaziy banki rasman axborot berdi. Unda qayd etilishicha, ayni paytda valyuta kursining muvozanat darajasi hisob-kitoblarga ko‘ra, 1 AQSh dollari uchun 8000-8150 so‘mni tashkil etmoqda. Markaziy bankning kursi doimgidek har dushanba kuni o‘tgan hafta davomida valyuta birjasida o‘tkazilgan savdolarda qayd etilgan kurslarning o‘rtacha qiymati darajasida belgilanadi.
O‘zbekiston Respublikasi Markaziy banki tarqatgan rasmiy axborotning to‘liq matnini e’tgiboringizga havola etamiz:
“O‘zbekiston Respublikasi Prezidentining 2017 yil 2 sentyabrdagi “Valyuta siyosatini liberallashtirish bo‘yicha birinchi navbatdagi chora-tadbirlar to‘g‘risida”gi farmoniga asosan valyuta bozorini yanada liberallashtirish sohasidagi davlat iqtisodiy siyosatining ustuvor yo‘nalishlaridan biri – milliy valyutaning chet el valyutasiga nisbatan kursini o‘rnatishda faqatgina bozor mexanizmlarini qo‘llashdan iboratdir.
2003-2017 yillarda kursni shakllantiruvchi omillar dinamikasining tahlili asosida, shuningdek, banklar tomonidan importyor korxonalarga shartnomaviy kurs bo‘yicha chet el valyutasini sotishning sinov savdolari natijalarini inobatga olgan holda, bugungi kunda valyuta kursining muvozanat darajasi hisob-kitoblarga ko‘ra, 1 AQSh dollari uchun 8000-8150 so‘mni tashkil etmoqda.
Shu munosabat bilan, Markaziy bankning valyuta kursi 2017 yilning 5 sentyabridan boshlab 1 AQSh dollari uchun 8100 so‘m darajasida o‘rnatilmoqda.
Markaziy bankning kursi, avvalgidek, har dushanba kuni o‘tgan hafta davomida valyuta birjasida o‘tkazilgan savdolarda qayd etilgan kurslarning o‘rtacha qiymati darajasida belgilanadi va O‘zbekiston Respublikasi hududida buxgalteriya hisobi, statistika hisoboti hamda boshqa hisobot maqsadlari uchun, shuningdek, O‘zbekiston Respublikasi hududida bojxona va boshqa majburiy to‘lovlarni hisoblash uchun ishlatiladi.
Chet el valyutasini sotib olish va sotish bo‘yicha banklararo savdo sessiyalari O‘zbekiston Respublikasi valyuta birjasida har kuni o‘tkazilib, bunda valyuta kursi chet el valyutasiga bo‘lgan talab va taklifning joriy nisbati asosida aniqlanadi hamda valyuta birjasining saytida e’lon qilib boriladi”.
Manba: Qalampir.uz “Zamin” yangiliklarini “Vkontakti”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
“Kalyari” Shomurodov bo‘yicha bir qarorga keldi
Saudiya Arabistoni bilan yana qator sohalarda hamkorlik o‘rnatilishi kutilmoqda
Diniy qo‘mita: Turli vizalar bilan Haj amallarini bajarishning imkoni yo‘q
Xitoyda avtomobil yo‘lining o‘pirilishi oqibatida kamida 24 kishi halok bo‘ldi
Liga 1. PSJ muddatidan oldin chempionlikni hal qildi
Harbiy xizmatdan qochgan 30 dan ortiq ukrainalik chegarani kesib o‘tishga urinib, halok bo‘ldi
O‘zbekistonga qarshi Indoneziyaning asosiy hujumchilaridan biri maydonga tusha olmaydi
O‘zbekistonda yashirin iqtisodiyotga qarshi kurashish rejalari ishlab chiqildi
