2018 yil iyun oyida O‘zbekistonda go‘sht mahsulotlari, guruch va spirtlik ichimliklarning narxi ko‘tarildi. Bu haqda Davlat statistika qo‘mitasi “Xalq so‘zi“ga ma’lum qildi.
Ammo, boshqa turdagi mahsulotlarning narxidagi pasayish tufayli joriy yil hisobidan birinchi marta iste’mol bozoridagi tovarlar va xizmatlar narxlari umumiy darajasida pasayish kuzatilgan bo‘lib, iste’mol sektoridagi deflyatsiya darajasi oy davomida 0,4 %ni tashkil etdi.
Oy davomida tovarlar narxi o‘rtacha 0,6 %ga pasaygan bo‘lsa, xizmatlar esa aksincha, 0,3 %ga qimmatlashgan.
Iste’mol sektorida oziq-ovqat mahsulotlari narxlarining pasayishi natijasida deflyatsiya holati qayd etilgan bo‘lsa, nooziq-ovqat mahsulotlar va xizmatlar narxlarida esa aksincha, inflyatsion jarayonlar kuzatildi.
2018 yilning iyun oyida non mahsulotlari o‘tgan oyga nisbatan 4,8 foizga, go‘sht va parranda go‘shti 4,3 foizga, spirtli ichimlik 1,0 foizga o‘sgan bo‘lsa, tuxum 2,6, meva va sabzavot mahsulotlari 18,2, shakar 2,3, yog‘ va moy mahsulotlari 0,2 foizga arzonlashgan
Non mahsulotlari qimmatlashishiga birinchi navbatda guruch narxining keskin o‘sishi sabab bo‘lgan. Iyun oyida guruch o‘tgan oyga nisbatan 22,9 foizga qimmatlashgan. Ammo loviya (2,2 foiz), no‘xat (1,5), va mosh (0,5) arzonlashgan. Go‘sht mahsulotlaridan qo‘y go‘shti 6,4, mol go‘shti 6,0, tirik va sovitilgan baliq 5,5, go‘sht qiymasi 4,7, suyaksiz mol go‘shti (lahm) 3,6 foizga qimmatlashgan. Parranda go‘shti (2,5 foiz) va tovuq boldiri (son qismi) 1,0 foiz) arzonlashgan.
Meva va sabzavot mahsulotlari ichida eng katta pasayish pomidor va bodringda kuzatilgan. O‘tgan oyga nisbatan pomidor 69,3 foizga arzonlashgan bo‘lsa, bodringda bu ko‘rsatkich 64,9 foizni tashkil qilgan. Shuningdek, kartoshka 38,9, sarimsoq piyoz 16,7, olma va bananlar 10,6, piyoz 10,3 va nok 2,5 foizga arzonlashgan. Ammo bu davrda sabzi 27,3, karam 25,2, sitrus 4,0 va quruq mevalar 2,0 foizga qimmatlashgan.
Spirtli ichimliklar narxlarining qimmatlashishining asosiy sabablaridan biri, O‘zbekiston Respublikasi Prezidentining 2018 yilning 5 mart kunidagi “O‘zbekiston Respublikasi Jismoniy tarbiya va sport vazirligini tashkil etish to‘g‘risida”gi PQ-3583-son Qaroriga asosan 2018 yilning 1 iyunidan boshlab pivo va aroq mahsulotlari ishlab chiqaruvchi korxonalarga jismoniy tarbiya va sportni rivojlantirish maqsadlariga yo‘naltirilgan qo‘shimcha to‘lovlarning joriy qilinganligi ko‘rsatilgan.
Biroq, shuni alohida qayd etish lozimki, joriy yilning iyun oyi davomida spirtli ichimliklar chakana savdosi faoliyati bilan shug‘ullanuvchi aksariyat korxonalar o‘zlaridagi qoldiq mahsulotlarini o‘zgarmagan narxlarda sotgan. Spirtli ichimliklar narxlariga qo‘llanilgan qo‘shimcha to‘lovlar ikkinchi yarim yillikdan boshlab ushbu tur mahsulotlar narxiga o‘z ta’sirini o‘tkazishi kutilmoqda. “Zamin” yangiliklarini “Instagram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Qaysi kundalik odatlar immunitet pasayishiga olib kelishini bilasizmi?
Piyoda yurish va bog‘dorchilik bilan shug‘ullanish depressiyaga chalinishni 23 foizga kamaytiradi
AQSHning G‘azodagi siyosatidan norozi Davlat departamenti rasmiysi iste’foga chiqdi
Germaniyada maktab o‘quvchilari ommaviy ravishda islom dinini qabul qilmoqda
Ortiqcha vaznli insonlar uchun sog‘lom ovqatlanishning beshta muhim qoidasi
Sariqmi yoki yashil: qaysi turdagi banan foydaliroq?
Zoir Mirzayev “Telefonsiz maktab”ga 300 mln so‘m mukofot berdi
Rossiya dunyodagi birinchi vodorod yoqilg‘ili avtomobilni taqdim etdi
