“Oʻzbekiston temir yoʻllari” aksiyadorlik jamiyatida Eron Islom Respublikasi temir yoʻl tizimi vakillari bilan uchrashuv boʻlib oʻtdi.
Unda ikki davlat temir yoʻl sohasi oʻrtasidagi hamkorlikning bugungi holati va istiqbollari, manfaatli aloqalarni rivojlantirish borasida bir qator masalalar koʻrib chiqilgan.
Xususan, tranzit yuklarni tashishda qulayliklar yaratish, bu borada yangi yoʻnalishlarni koʻrib chiqish, konteyner vagonlari orqali import va eksport xizmatlarini koʻrsatish boʻyicha fikr yuritilgan.
Foto: Oʻzbekiston temir yoʻllari
– Maʼlumki, Oʻzbekiston Sharqiy Osiyo, yaʼni Xitoy davlati bilan tashuvlarni amalga oshirishda eng muhim va qisqa tranzit hudud hisoblanadi, – deydi delegatsiya rahbari Ahmadiy Babak. – Shu bois, ishonchli hamkorlikni yanada rivojlantirish, ikki davlat temir yoʻl tizimi oʻrtasidagi tashuvlar sonini oshirish davr taqozosidir. Endilikda, ushbu yoʻnalish boʻyicha konteynerlar orqali tashuvlar hajmini oshirishni rejalashtirganmiz. Joriy yilda Xitoydan 50 ming tonna yuk olib kelish belgilangan. Bu borada Qozogʻiston va Turkmaniston davlatlari bilan ham muzokaralar olib borildi.
Taʼkidlanishicha, keyingi yillarda Eron Islom Respublikasida Oʻzbekiston paxtasi va toʻqimachilik mahsulotlariga boʻlgan talab ortgan. Uchrashuvda ushbu masalaga ham alohida toʻxtalib oʻtilgan. Shuningdek, Erondan neft mahsulotlarini olib kelish va Oʻzbekistonda ishlab chiqarilgan oltingugurtni yetkazib berish borasida ham takliflar bildirilgan.
Uchrashuv soʻnggida muhokama etilgan masalalar yuzasidan yigʻilish bayonnomasi imzolandi. “Zamin” yangiliklarini “Youtube”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
“Kalyari” Shomurodov bo‘yicha bir qarorga keldi
Saudiya Arabistoni bilan yana qator sohalarda hamkorlik o‘rnatilishi kutilmoqda
Diniy qo‘mita: Turli vizalar bilan Haj amallarini bajarishning imkoni yo‘q
Xitoyda avtomobil yo‘lining o‘pirilishi oqibatida kamida 24 kishi halok bo‘ldi
Liga 1. PSJ muddatidan oldin chempionlikni hal qildi
Harbiy xizmatdan qochgan 30 dan ortiq ukrainalik chegarani kesib o‘tishga urinib, halok bo‘ldi
O‘zbekistonga qarshi Indoneziyaning asosiy hujumchilaridan biri maydonga tusha olmaydi
O‘zbekistonda yashirin iqtisodiyotga qarshi kurashish rejalari ishlab chiqildi