O‘zbekistonda biopasport olishning yangilangan tartiblari e’lon qilindi

  • 05 dekabr 2014, 12:56
  • 6 787
  • O‘zbekiston
  • O‘zbekistonda biopasport olishning yangilangan tartiblari e’lon qilindi

    O‘zbekiston Respublikasining biometrik pasporti respublika hududida ham, undan tashqarida ham pasport egasining shaxsi va fuqaroligini tasdiqlaydigan hujjat sanaladi, deb yozadi «kun.uz».
    ICAO (Xalqaro fuqarolik aviasiyasi tashkiloti) tavsiyalari asosida O‘zbekiston Respublikasi fuqarosi pasporti tug‘ilgandan to bir yoshga to‘lguncha ikki yillik muddatga; bir yoshdan to o‘n olti yoshga etguncha besh yillik muddat bilan rasmiylashtiriladi. Bunda pasportning amal qilish muddati fuqaroning fuqaroning 16 yoshidan oshmasligi kerak, 16 yoshdan esa 10 yilga beriladi.
    Istisnoli holatlardagina, respublikadan chetga chiqayotganda yoshi 15 yoshdan oshgan bo‘lsa, pasport 16 yoshga to‘lmagan shaxsga 10 yilga berilishi mumkin.
    Fuqaro boshqa davlatlarga uzoq muddatga ketayotganda, pasportning amal qilish muddati bir yildan kamroq bo‘lsagina, almashtirilishi mumkin, deb xabar beradi mfa.uz.
    Biometrik ma’lumotli pasportlar ICAO tavsiyalariga muvofiq belgilangan namuna bo‘yicha tayyorlanib, lotin yozuvida o‘zbek va ingliz tillarida yoziladi, Qoraqalpog‘iston Respublikasi aholisi uchun esa — qoraqalpoq, o‘zbek va ingliz tillarida.
    Yangi pasportga suratlar yopishtirish o‘rniga bosish yo‘li bilan kiritiladi, bu uni qalbakilashtirishdan himoyalanganlik darajasini oshiradi.

    foto: Kun.uz

    » » O‘zbekistonda biopasport olishning yangilangan tartiblari e’lon qilindi