O‘zbekistonda 2026 yilgi Ramazon oyi 19 fevral, payshanba kuni kirib kelishi kutilmoqda. Bu masala Turkiy davlatlar tashkiloti huzuridagi fatvo yo‘nalishidagi yig‘ilishda, Samarqandda muhokama qilinib, umumiy kelishuv sifatida tilga olingani aytilmoqda.
Qisqacha qilib aytganda, taklif etilayotgan ta’qvim shunday:
- Ramazon boshlanishi: 19 fevral
- Ramazon hayiti: 20-mart, juma
- Davomiyligi: 29 yoki 30 kun (oy ko‘rinishiga qarab)
Bu yerda bir muhim nyuans bor: Ramazon sanasi “kutilmoqda” degani — hali barchasi 100% qat’iy degani emas. Oy ko‘rinishiga bog‘liq jihatlar bo‘lgani uchun, odatda, aniq taqvim va vaqtlar Ramazon arafasida rasman e’lon qilinadi. Shuning uchun hozircha bu ma’lumotni yo‘l xaritasi, deb qabul qilgan ma’qul.
Muxlislar uchun eng qiziq qismi — saharlik va iftorlik masalasi. Ramazonning ilk kunlarida Toshkentda vaqtlar taxminan quyidagicha bo‘lishi mumkin (hududlarga qarab biroz farq qiladi, shuning uchun keyin rasmiy jadvalga suyanamiz):
Saharlik (og‘iz yopish) duosi
«Navaytu an asuuma sovma shahri ramazona minal-fajri ilal-mag‘ribi, xolisan lillahi ta’aalaa. Alloh-u akbar».
Ma’nosi: Ramazon oyining ro‘zasini tong otganidan kun botgunicha xolis Alloh taolo uchun tutishni niyat qildim. Alloh-u akbar
Iftorlik (og‘iz ochish) duosi
«Allohumma laka sumtu va bika aamantu va ’alayka tavakkaltu va ’alaa rizqika aftortu, fag‘firlii yaa G‘offaru maa qoddamtu va maa axxortu, birohmatika yaa arhamar-Rohimiyn».
Ma’nosi: “Yo Alloh, Sen uchun ro‘za tutdim. Senga iymon keltirdim, Senga tavakkal qildim. Sen bergan rizq bilan iftor qildim. Ey gunohlarni afv qiluvchi Zot, mening avvalgi va keyingi gunohlarimni mag‘firat qil.
Ramazon — bu faqat och-chanqoq sinovi emas, “rejimni to‘g‘ri qo‘yish” oyi ham. Hozirdanoq bir oddiy reja qilib qo‘ysangiz, keyingi haftada o‘zingizga rahmat aytasiz: uyquni ertaroq moslashtirish, kofeni kamaytirish, ish-kuchni sahardan keyingi vaqtlarga to‘g‘ri taqsimlash. Qolgani esa — sabr, duo va kayfiyat.
Eng to‘g‘ri yo‘l: rasmiy taqvim chiqishi bilan (ayniqsa hududlar kesimida) o‘zingiz yashaydigan joy vaqtiga qarab aniqlab oling. Shunda “men 05:40 deb yuribman, mahallada 05:36 ekan-ku” degan syurprizlar bo‘lmaydi.
“Zamin”ni Telegramʻda oʻqing!
