“O‘zgidromet” 11-fevral kuni uchun navbatdagi ob-havo ma’lumotini e’lon qildi. Unga ko‘ra, chorshanba kuni respublika bo‘ylab havo beqaror tus olib, ayrim hududlarda yomg‘ir kuchayishi mumkin. Ayrim joylarda tuman tushishi, shamol esa ba’zi viloyatlarda tezligini oshirishi kutilmoqda.
Toshkent shahri
Poytaxtda havo o‘zgaruvchan bo‘ladi, yomg‘ir yog‘adi, ba’zan kuchlashadi. Shamol g‘arbdan 3–8 m/s tezlikda esadi, ayrim paytlarda 10–12 m/s gacha kuchayishi mumkin. Harorat kechasi va kunduzi 8–10° iliq atrofida saqlanadi.
Qoraqalpog‘iston Respublikasi
Hududda havo o‘zgaruvchan: kechasi va ertalab ba’zi joylarda qor yog‘ishi ehtimoli bor. Tuman tushishi mumkin. Shamol g‘arbdan 7–12 m/s, ayrim nuqtalarda 13–18 m/s gacha kuchayadi. Harorat kechasi 8–13° sovuq, kunduzi 1–6° sovuq bo‘ladi.
Xorazm viloyati
Kechasi va ertalab ayrim joylarda qor yog‘ishi, tuman tushishi mumkin. Shamol g‘arbdan 7–12 m/s. Harorat kechasi 5–10° sovuq, kunduzi 0–5° sovuq bo‘ladi.
Buxoro va Navoiy viloyatlari
Havo beqaror bo‘ladi: yomg‘ir yog‘adi, cho‘l hududlarda yog‘ingarchilik yomg‘ir va qor ko‘rinishida bo‘lishi mumkin. Tuman tushishi ehtimoli bor. Shamol g‘arbdan 7–12 m/s, ba’zi joylarda 13–18 m/s gacha kuchayadi. Harorat asosan kechasi-kunduzi 5–10° iliq, cho‘l hududlarda esa kechasi 0–5° sovuq, kunduzi 0–5° iliq bo‘ladi.
Toshkent, Sirdaryo, Jizzax, Samarqand viloyatlari
Bu hududlarda ham yomg‘ir yog‘adi, ayrim joylarda kuchli bo‘lishi mumkin. Tuman tushishi ehtimoli bor. Shamol g‘arbdan 7–12 m/s, ba’zi nuqtalarda 13–18 m/s gacha kuchayadi. Harorat kechasi va kunduzi 5–10° iliq bo‘ladi.
Qashqadaryo va Surxondaryo viloyatlari
Janubda yomg‘ir yog‘adi, ayrim joylarda kuchlashishi mumkin. Shamol g‘arbdan 7–12 m/s, ba’zi joylarda 15–20 m/s gacha kuchayadi. Harorat kechasi 5–10° iliq, kunduzi 12–17° iliq bo‘ladi.
Andijon, Namangan va Farg‘ona viloyatlari
Vodiyda havo o‘zgaruvchan bo‘ladi: yomg‘ir yog‘adi, ayrim nuqtalarda kuchli bo‘lishi mumkin. Tuman tushishi ehtimoli bor. Shamol g‘arbdan 5–10 m/s. Harorat kechasi 2–7° iliq, kunduzi 7–12° iliq bo‘ladi.
Tog‘oldi va tog‘li hududlar
Bu yerlarda yog‘ingarchilik yomg‘ir va qor ko‘rinishida kuzatiladi, ayrim joylarda kuchli bo‘lishi mumkin. Tuman tushishi ehtimoli bor. Shamol g‘arbdan 7–12 m/s, ba’zi nuqtalarda 15–20 m/s gacha kuchayadi. Harorat kechasi va kunduzi 2° sovuq–3° iliq atrofida bo‘ladi.
“Zamin”ni Telegramʻda oʻqing!
