Oliy ta’lim, fan va innovatsiyalar vazirligi 2026–2027 o‘quv yili uchun abituriyentlar topshiradigan test sinovlari fanlar majmuasini e’lon qildi. Unga ko‘ra, bakalavriat ta’lim yo‘nalishlari uchun umumiy test fanlari ro‘yxati tasdiqlandi, kasbiy yoki ijodiy imtihonlar belgilangan yo‘nalishlarga mos tarzda belgilanadi.
Vazirlikning qayd etishicha, qabul parametrlari tasdiqlanishi jarayonida yangidan tashkil etilgan yo‘nalishlar bo‘yicha ham fanlar majmuasi qo‘shimcha tarzda e’lon qilinadi. Bu esa abituriyentlarga o‘z tayyorgarlik rejasini aniqroq tuzishda yordam beradi.
Shuningdek, Bilimni baholash agentligi bergan ma’lumotga ko‘ra, 2026 yilgi kunduzgi ta’lim shakli bo‘yicha 36 023 nafar abituriyent davlat granti asosida o‘qishga qabul qilinadi. Bu ko‘rsatkich Prezident Shavkat Mirziyoyevning 2025 yil 18 iyuldagi farmoyishi asosida belgilanib, oliy ta’limda imkoniyatlar kengayib borayotganidan dalolat beradi.
“Zamin”ni Telegramʻda oʻqing!
