Joriy yilning 10–13 fevral sanalarida O‘zbekiston hududi tomon nam va sernam havo oqimlari kirib kelishi kutilmoqda. Bu haqda “O‘zgidromet” tomonidan tezkor ogohlantirish berildi.
Ma’lum qilinishicha, mamlakat bo‘ylab vaqti-vaqti bilan yomg‘ir (shimoliy hududlarda qorga aylanishi mumkin) kuzatiladi, ayrim manzillarda yog‘ingarchilik kuchli bo‘lishi ehtimoli bor.
Respublikaning tog‘oldi va tog‘li hududlarida ham yog‘in-sochin (yomg‘ir, qor) kuzatilib, ba’zan jadal tus olishi mumkin.
Shuningdek, respublika miqyosida ayrim joylarda shamol tezligi 13–18 m/s gacha kuchayishi kutilmoqda. Ayniqsa, 10-fevral kuni ba’zi hududlarda shamol ayrim paytlarda 20–23 m/s gacha yetishi mumkin.
Sinoptiklar ob-havo o‘zgaruvchan bo‘lishini inobatga olib, ehtiyotkorlikni unutmaslikni tavsiya qiladi.
“Zamin”ni Telegramʻda oʻqing!
