Professional boksda o‘n ikkita jang o‘tkazib, ularning barchasida raqiblarini nokautga uchratgan yengilmas bokschimiz Shohjahon Ergashev Sports.uz muxbiriga xabar berishicha, AQSHda o‘zining navbatdagi jangiga tayyorgarlikni boshladi.
Avval, Shohjahon joriy yilning 28 aprel kuni Nyu-Yorkda navbatdagi jangini o‘tkazishi haqida xabar bergan edik. Biroq ushbu bahsda u kimga qarshi ringga ko‘tarilishi hozirga qadar noma’lum bo‘lib turibdi.
“Nasib qilsa men 28 aprel kuni ringga chiqaman. Hozircha menga kim raqib bo‘lishini bilmayman. Men reytingda 12-pog‘onada turibman. Shu sababli ham reytingda mendan yuqorida turgan charm qo‘lqop ustalarining biri bilan ringga chiqishim mumkin. Raqibim kim bo‘lishidan qat’iy nazar men ushbu jangga tayyorgarlikni boshladim”, - deydi Shohjahon.
Bokschimiz AQSHning Detroyt shahrida shug‘ullanmoqda. Mashg‘ulotlarda u dastlab jismoniy holatini yanada yaxshilovchi mashqlarni bajaradi. Shuningdek, u bosqichma-bosqich texnik va taktik hamda sparring mashg‘ulotlarda ham ishtirok etadi.
“Bu yerdagi mashg‘ulotlar bizning yurtimizdagidan farq qiladi. Amerikada professional bokschilar kuchli reja bo‘yicha kunlik mashg‘ulotlarda ishtirok etadilar. Misol tariqasida aytadigan bo‘lsam, O‘zbekistonda bir kunda uch mahal ikki soatdan mashg‘ulotlar o‘tkazilsa, Amerikada bir mahal 6-7 soat shug‘ullanamiz. Murabbiylarim juda talabchan hatto bir zarbani to‘g‘ri berish uchun kun davomida takrorlaymiz”, deb to‘xtalib o‘tdi Sh. Ergashev.
Umid qilamizki yuksak iqtidor egasi, yengilmas bokschimiz Shohjahon Ergashev navbatdagi jangida g‘alaba qozonadi va xalqimizning ishonchini oqlaydi.
“Zamin” yangiliklarini “Facebook”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Vladimir Putin «Krokus»da sodir etilgan terakt uchun o‘ch olishga chaqirdi
Rossiya dunyodagi birinchi vodorod yoqilg‘ili avtomobilni taqdim etdi
“Tolibon” Afg‘onistonning Xost viloyatida besh nafar fuqaroni qamchi bilan jazoladi
Amerikalik olimlar barcha uchun birdek foydali jismoniy faollik turini aniqladi
Mariya Zaxarova ukrainaliklarni Amerika hindulariga o‘xshatdi
Crocus teraktida ayblanayotgan tojikistonlik Dalerjon Mirzoyevning ota-onasi o‘g‘li haqida gapirdi
Velosipedda sayr qilish uchun 3 sabab: yoshartiradi, ozdiradi va umrni uzaytiradi
Zoir Mirzayev “Telefonsiz maktab”ga 300 mln so‘m mukofot berdi