Yevropa Chempionlar Ligasi 4-turidan o‘rin olgan «Viktoriya» Plzen – «Real» Madrid uchrashuvi o‘z nihoyasiga yetdi. «Doosan-Arena»da bo‘lib o‘tgan bahsda madridliklar yirik hisobdagi g‘alabani qo‘lga kiritishdi.
Uchrashuvni mezbonlar faol boshlashdi va raqib jarima maydoni atrofida ikkita xavfli vaziyat yarata olishdi. Biroq shundan so‘ng tashabbus butkul ispan futbolchilari tomoniga o‘tib ketdi.
21-daqiqada Karim Benzema bir nechta himoyachini aldab o‘tib, chap qanotdan raqib jarima maydoniga yorib kirdi va darvozabonning oyoqlari orasidan to‘pni darvozaga aniyo‘naltirdi. Plzenliklar o‘zlariga kelib ulgurmasdan ikkinchi golni o‘tkazib yuborishdi: burchakdan uzatib berilgan to‘pni Kazemiro boshi bilan darvozaga joylab qo‘ydi.
37-daqiqada madridliklar uchinchi golni urishdi: standart vaziyatdan so‘ng to‘p jarima maydoniga uzatib berildi, u yerda Garet Beyl to‘pni boshi bilan qulay tarzda Benzemaga tashlab berdi, fransiyalik hujumchi bu safar ham o‘z imkoniyatini ko‘kka sovurmadi. Oradan ikki daqiqa o‘tar-o‘tmas hisob yanada yiriklashdi: bu safar endi Benzema o‘sha ko‘rinishda to‘pni Beylga uzatdi, Garet esa yaqin masofadan darvozani aniq nishonga oldi va jamoasining to‘rtinchi golini urdi.
67-daqiqada mehmonlar qarshi hujumni golga aylantirishdi: maydon markazida to‘pni qabul qilib olgan Vinisius Junior tezlikda raqib jarima maydoniga yaqinlashib bordi va to‘pni Toni Kroosga uzatdi, nemis futbolchisi to‘pni yuqori to‘qqizlik burchakka joylab qo‘ydi.
Shu tariqa, chexlar YeChL pley-off yo‘lanmasidan rasman mahrum bo‘ldilar.
Guruhdagi vaziyat bilan tanishing: 1.«Real» (9); 2. «Roma» (9); 3. «SSKA» (4); 4. «Viktoriya» (1).
YeChL, 4-tur
Viktoriya Plzen Chexiya – Real Madrid Ispaniya 0:5 (0:4, 0:1)
Gollar: 0:1 – 20 Benzema, 0:2 – 23 Kazemiro, 0:3 – 37 Benzema, 0:4 – 40 Beyl, 0:5 – 67 Kroos.
Viktoriya Plzen – Grushka, Gubnik, Geyda, Limberski, Gavel (Petrjela, 38), Chermak (Gorshava, 61), Proxazka, Kopits, Groshovski, Rjeznik, Xorы (Rjeznichek, 80).
Real Madrid – Kurtua, Nacho, Regilon, Odriosola, Ramos (Xaver Sanches, 59), Kazemiro, Kroos (Isko, 73), Sebalos, Vaskes, Beyl, Benzema (Vinisius Junior, 62).
Ogohlantirish: Nacho (53).
Manba: www.uff.uz “Zamin” yangiliklarini “Odnoklassniki”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Amerikalik olimlar barcha uchun birdek foydali jismoniy faollik turini aniqladi
“Tolibon” Afg‘onistonning Xost viloyatida besh nafar fuqaroni qamchi bilan jazoladi
Mariya Zaxarova ukrainaliklarni Amerika hindulariga o‘xshatdi
Vladimir Putin «Krokus»da sodir etilgan terakt uchun o‘ch olishga chaqirdi
Velosipedda sayr qilish uchun 3 sabab: yoshartiradi, ozdiradi va umrni uzaytiradi
Germaniyada maktab o‘quvchilari ommaviy ravishda islom dinini qabul qilmoqda
Zoir Mirzayev “Telefonsiz maktab”ga 300 mln so‘m mukofot berdi
Rossiya dunyodagi birinchi vodorod yoqilg‘ili avtomobilni taqdim etdi
