Avstraliya - O‘zbekiston uchrashuvidan keyingi matbuot anjumanining ikkinchi qismida Grem Arnold qatnashdi.
"Barchaga rahmat aytaman. Qiyin o‘yin bo‘ldi. O‘zbekiston terma jamoasiga ham minnatdorchilik bildiraman. Raqib qattiq himoyalandi. Ularni himoyasini yorib o‘tish juda qiyin bo‘ldi. Lekin shogirdlarim oxirgacha harakat qilishdi va penaltilar seriyasida bo‘lsa ham g‘alaba qozondik. Chorak finalga chiqqanimizdan xursandmiz.
Bugungi bahsda bizga oxirgi pas yetishmadi. O‘z navbatida O‘zbekiston ham kuchli o‘yin namoyish etdi. Metyu Rayanga alohida rahmat. U ham o‘yin paytida, ham penaltilar seriyasida yaxshi harakat qildi. Metyu Leki chaqqon futbolchi. Jarohatidan qutulib maydonga qaytdi.
O‘zbekiston menda iliq taassurot qoldirdi. Individual kuchli futbolchilar juda ko‘p ekan. Ayniqsa himoya juda kuchli o‘ynadi. Chorak finalni ham shu shaharda o‘tkazishimiz yoqmoqda. Bu shaharga moslashib bo‘ldik. Faqat o‘yindan keyingi tiklanishni amalga oshirsak bo‘lgani. Keyingi bahsda Tom Rogich maydonga tusha olmaydi. Uning sariq kartochkalari ikkita bo‘ldi. Uning o‘rnini to‘ldiradigan futbolchi topamiz.
Ertadan boshlab raqibni o‘rganishni boshlaymiz. Katta ehtimol bilan bu BAA bo‘ladi. Osiyo Kubogida jamoam yaxshi o‘ynamoqda. Bugungi o‘yin penaltilar seriyasida ham kuchli ekanligimizni ko‘rsatdi. Biz mashg‘ulotlar vaqtida penaltilar ustida alohida ishlagandik. Darvozabonlar to‘p qaytarish, futbolchilar zarba berish ustida", - deydi Grem Arnold. “Zamin” yangiliklarini “Facebook”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Eron prezidenti jiddiy bayonot berdi: «Isroildan hech narsa qolmaydi»
Ortiqcha vaznli insonlar uchun sog‘lom ovqatlanishning beshta muhim qoidasi
Qaysi kundalik odatlar immunitet pasayishiga olib kelishini bilasizmi?
Vladimir Putin «Krokus»da sodir etilgan terakt uchun o‘ch olishga chaqirdi
Sariqmi yoki yashil: qaysi turdagi banan foydaliroq?
Toshkentda 02 kodli avtoraqamlar taxminan qachon paydo bo‘lishi aytildi
Crocus teraktida ayblanayotgan tojikistonlik Dalerjon Mirzoyevning ota-onasi o‘g‘li haqida gapirdi
Velosipedda sayr qilish uchun 3 sabab: yoshartiradi, ozdiradi va umrni uzaytiradi
