Rossiyaning Dr.Web antivirus kompaniyasi uncha yaxshi tanilmagan ayrim xitoylik smartfonsozlarning mahsulotlarini tekshirib ko‘rdi. Natija ular xavfsiraganidek bo‘lib chiqdi – yap-yangi telefonlarga boshidanoq xavfli troyan virus joylangan ekan!
Xabarga ko‘ra, ziyonkor dasturiy ta’minot Doogee, Leagoo, Cubot, Uhans, Prestigio, Zopo va yana bir nechta kompaniyalarning smartfonlari proshivkasiga kiritilgan ekan. Mazkur troyan avtomatik ravishda, qurilma egasiga bildirmasdan begona dasturlarni olib o‘rnatadi. Bu bilan ular foydalanuvchining shaxsiy ma’lumotlariga kirish uchun kiberjinoyatchilarga yo‘l ochib beradi.
Dr.Web ekspertlarining ta’kidlashlaricha, bunday imkoniyatni smartfonsozlar o‘z mahsulotlariga atayin kiritishgan, zero, troyanlar ularning barcha telefonlariga proshivka darajasida joriy etilgan. Mutaxassislar bu kompaniyalar smartfonlaridagi libandroid_runtime.so tizim kutubxonalarining dastlabki kodida Android.Triada.231 nomli virus mavjudligini aniqlashgan.
Hammadan qizig‘i – smartfonsoz kompaniyalarning dasturchilari hatto ushbu ziyonkor dasturni himoyalash mexanizmini ham tatbiq etishgan. Ya’ni, foydalanuvchi o‘z telefonidan mazkur troyanni o‘chirib yubora olmaydi. Undan qutulishning yagona yo‘li – root-huquqini qo'lga kiritish, so‘ng esa mustaqil tarzda barcha zararlangan fayllarni aniqlab, birma-bir o‘chirib tashlashdir.
Dr.Web ekspertlarining xabar berishlaricha, hozirda xavfli Android.Triada.231 troyani xitoylik smartfonsozlarning qirqdan oshiq modellardagi devayslarida mavjud.
Eng ko‘p modellarida troyan joylangan ishlab chiqaruvchi Leagoo bo‘lib chiqdi – uning barcha qurilmalarida virus mavjudligi aniqlandi! Demak, arzon narxiga uchib smartfon buyurtma qilishdan avval, mana shu jihatlariga ham e’tibor qaratish kerak ekan. “Zamin” yangiliklarini “Instagram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
AQSHning G‘azodagi siyosatidan norozi Davlat departamenti rasmiysi iste’foga chiqdi
Mariya Zaxarova ukrainaliklarni Amerika hindulariga o‘xshatdi
Amerikalik olimlar barcha uchun birdek foydali jismoniy faollik turini aniqladi
Piyoda yurish va bog‘dorchilik bilan shug‘ullanish depressiyaga chalinishni 23 foizga kamaytiradi
Germaniyada maktab o‘quvchilari ommaviy ravishda islom dinini qabul qilmoqda
Zoir Mirzayev “Telefonsiz maktab”ga 300 mln so‘m mukofot berdi
Ispaniya va Gretsiya Kiyevga Patriot tizimlarini yetkazib berishdan bosh tortdi
Ruslar Abrams tanklarining zaif tomonini topishdi