Туриннинг «Ювентус» клуби ва Франция терма жамоасининг собиқ ҳужумчиси Давид Трезеге Аргентинага қайтди. У аввалроқ «Ривер Плейт» сафида ҳам тўп сурган, ҳатто клуб билан бирга Аргентина футболининг иккинчи лигасида чемпионликни ҳам қўлга киритган эди. Бу ҳақда euro-football.ru хабар беради.
Эндиликда Трезеге «Ривер Плейт»га майдондаги рол учун эмас, балки клуб раҳбарияти таркибига қўшилиш мақсадида келмоқда. Унинг аниқ лавозими расман очиқланмаган бўлса-да, клуб уни бутун раҳбарият иштирокида тантанали тарзда таништирди.
Тақдимот чоғида Трезеге стратегик масалалар билан шуғулланиши ва «Ривер Плейт»ни институционал даражада вакиллаши маълум қилинди. Эслатиб ўтамиз, француз футболчи 2015 йилда профессионал фаолиятини якунлаган.
“Zamin”ни Telegram'да ўқинг!
Ctrl
Enter
Хато топдингизми?
Иборани ажратиб Ctrl+Enter тугмасини босинг 
