Россия терма жамоаси бош мураббийи Валерий Карпин «Монако» ярим ҳимоячиси Александр Головин билан «Реал»га қарши ўйин олдидан гаплашгани ҳақидаги постига изоҳ берди. Бу ҳақда euro-football.ru хабар беради.
Эслатиб ўтамиз, 20-январ куни «Монако» Чемпионлар лигасида Мадридда «Реал»га 1:6 ҳисобида ютқазганди. Учрашув арафасида Карпин Головин билан тушган суратни жойлаб, футболчига бир нечта маслаҳат берганини айтганди.
Карпиннинг таъкидлашича, у Головинга жиддий кўрсатма берган эмас: «Головиннинг ўйинини стадиондан кўрдим, афсуски, у муваффақиятсиз кечди. Маслаҳатларим — ҳазил ва киноя. Мен унга нима ҳам тавсия қила олардим? Бунинг учун мураббий бор», — дея Карпиннинг сўзларини «Чемпионат» келтиради.
Головин жорий мавсумда Франция Лигасида 13 та учрашувда майдонга тушиб, 2 та гол урди ва 1 та голли пас муаллифи бўлди.
“Zamin”ни Telegram'да ўқинг!
