Россия пойтахти Москвада 9 май — "Ғалаба куни" муносабати билан ўтказиладиган анъанавий ҳарбий парад бу йил одатдагидан ихчамроқ форматда ташкил этилади. Бу ҳақда Кремл матбуот котиби Дмитрий Песков маълум қилди.
Унинг сўзларига кўра, парад дастурининг қисқартирилиши “мавжуд операцион вазият” ва хавфсизлик чораларини кучайтириш зарурати билан боғлиқ. Расмийлар бу қарорни Украинанинг эҳтимолий таҳдидлари билан изоҳлади.
Таъкидланишича, бу йилги тадбирда ҳарбий техника намойиши ҳамда курсантлар иштироки бекор қилинади. “Хавфни камайтириш учун барча зарур чораларни кўряпмиз. Шу боис парад янада соддалаштирилган кўринишда ўтказилади”, — деди Песков.
Шунга қарамай, анъанага кўра, тадбир Москванинг марказидаги Қизил майдонда бўлиб ўтади. Расмийлар "Ғалаба куни" тантаналари тўлиқ бекор қилинмаслигини, аммо хавфсизлик устувор вазифа эканини алоҳида урғуламоқда.
Кузатувчилар фикрича, бу йилги ўзгаришлар минтақадаги кескин вазият фонида хавфсизлик чораларининг кучайганидан дарак беради.
“Zamin”ни Telegram'да ўқинг!
