«Ливерпуль» клубининг собиқ бош мураббийи Юрген Клопп Германия терма жамоаси аъзоси Флориан Виртснинг келажаги борасида ўз фикрлари билан ўртоқлашди. Мутахассис ёш иқтидор эгасининг АҚШ, Канада ва Мексика мезбонлик қиладиган навбатдаги жаҳон чемпионатида муваффақиятли иштирок этишига ишонч билдирди. Бу ҳақда Goal.com хабар беради.
Клоппнинг таъкидлашича, Виртц юқори даражадаги ўйинчи бўлиш учун барча зарур хислатларга эга. «Ливерпуль» 2025 йилда ушбу плеймейкер учун «Байер» клубига 125 миллион евро тўлаган эди.
Ҳозирча футболчи «Энфилд»даги биринчи мавсумида ўзига сарфланган катта маблағни тўлиқ оқлашга улгурмади.
«Мен йигитга босим ўтказмоқчи эмасман. У қийин мавсумда ҳам қанчалик кучли эканини кўрсата олишига чин дилдан ишонаман», — деди Клопп BBC нашрига берган интервьюсида.
Ҳозирда Арне Слот бошқараётган «Ливерпуль» Англия Премьер-лигасида тўртинчи ўринни эгаллаб турибди ва чемпионлик пойгасидан чиқиб кетган.
Флориан Виртц Германия терма жамоаси сафида 2021 йилда дебют қилган бўлиб, шу вақтгача 39 та ўйинда 10 та гол уришга эришди. 22 ёшли футболчи Швейцарияга қарши ўртоқлик учрашувида дубль қайд этиб, ўзининг жаҳон чемпионати учун қайдномадан жой олишини деярли нақд қилди.
“Zamin”ни Telegram'да ўқинг!
