Ўзбекистонда яна бир муҳим лавозимий тайинлов амалга оширилди. Ғиёсиддин Режабов Ўзбекистон Республикаси Президентининг маданият бўйича вакили лавозимига тайинланди. Бу ҳақда давлат раҳбарининг тегишли фармони имзоланди.
Маълум қилинишича, у янги лавозимга ўтиши муносабати билан Президент Администрациясида фаолият юритиб келган аввалги лавозимидан озод этилган. Хусусан, у Креатив иқтисодиёт ва туризм йўналишидаги департаментда шўба мудири сифатида ишлаб келаётган эди.
Мутасаддилар фикрича, мазкур тайинлов мамлакатда маданият соҳасини ривожлантириш, ижодий лойиҳаларни қўллаб-қувватлаш ва миллий меросни асраб-авайлаш йўлидаги ишларни янада жадаллаштиришга хизмат қилади.
Қайд этилишича, янги вакил зиммасига маданият соҳасидаги ислоҳотларни мувофиқлаштириш, давлат сиёсатини амалга ошириш ва ушбу йўналишда янги ташаббусларни илгари суриш каби муҳим вазифалар юклатилган.
“Zamin”ни Telegram'да ўқинг!
