«Барселона»нинг собиқ ярим ҳимоячиси Александр Глеб Беларусь миллий жамоасининг Виктор Ганчаренко қўл остидаги истиқболлари ҳақида фикр билдирди. Бу ҳақда euro-football.ru хабар беради.
Глебнинг таъкидлашича, Ганчаренкога Беларусни Европа чемпионатига олиб чиқиш осон бўлмайди. Унингча, терма жамоада ишлаш клубдаги мураббийликдан бутунлай фарқ қилади ва энди Виктор Михайлович янги вазифага қандай мослашишини вақт кўрсатади.
Шу билан бирга, собиқ футболчи вазият қандай бўлишидан қатъи назар, терма жамоа ва бош мураббийни қўллаб-қувватлашини айтди. Глеб Ганчаренко билан Беларусь терма жамоаси олдинга қадам ташлашидан умидвор.
Эслатиб ўтамиз, беларусликлар ёзда АҚШ, Канада ва Мексикада бўлиб ўтадиган навбатдаги жаҳон чемпионатига йўлланма ололмади.
“Zamin”ни Telegram'да ўқинг!
