Кенан Йилдиз “Ювентус”нинг “Наполи” дарвозасига киритган уч голидан бирига муаллифлик қилди. Учрашув 3:0 ҳисобида якунланиб, Лучано Спаллетти бошчилигидаги жамоа йирик ғалабани қўлга киритди. Бу ҳақда euro-football.ru хабар беради.
Opta маълумотига кўра, 20 ёшли турк ҳужумчиси уч очко тизими жорий этилган даврда А Сериясининг бир мавсумида “Наполи”га қарши ўтказилган иккала ўйинда ҳам “Ювентус” сафида гол урган атиги бешинчи футболчига айланди. Аввалроқ бу натижани Криштиану Роналду (2019/20), Алессандро Дел Пйеро (2000/01), Дарко Ковачевич (2000/01) ва Фабрисио Раванелли (1994/95) қайд этган.
Жорий мавсумда Йилдиз Италия чемпионатида жами саккизта гол урди, шунингдек, жамоадошларига тўрт бор голли узатма ҳам берди.
“Zamin”ни Telegram'да ўқинг!
Ctrl
Enter
Хато топдингизми?
Иборани ажратиб Ctrl+Enter тугмасини босинг 
