Лионель Месси "Интер Майами" сафидаги юзинчи расмий ўйинида ажойиб гол урди. Бироқ Флорида дербисида жамоа ҳимоядаги хатолар туфайли "Орландо Сити"га 4:3 ҳисобида мағлуб бўлди. Бу ҳақда Goal.com хабар беради.
Учрашувнинг 33-дақиқасида Месси Луис Суареснинг узатмасидан сўнг рақиб ҳимоячисини алдаб ўтиб, узоқ масофадан дарвозани ишғол қилди. Бу унинг жорий мавсумдаги саккизинчи голи бўлди.
Дастлабки дақиқаларда Иэн Фрай ва Теласко Сеговия ҳам гол уриб, майдон эгаларини 3:0 ҳисобида олдинга олиб чиққан эди.
Шундан сўнг "Орландо Сити" тарихий камбэкни амалга оширди. Жамоа ҳужумчиси Мартин Охеда хет-трик қайд этиб, ҳисобни тенглаштирди.
Қўшиб берилган вақтда эса Тайриз Спайсер ғалаба голини киритди.
Ушбу мағлубиятга қарамай, Месси Шимолий Америкадаги шахсий рекордларини янгилашда давом этмоқда. Ҳозирда "Интер Майами" Шарқий конференцияда учинчи ўринни эгаллаб турибди.
“Zamin”ни Telegram'да ўқинг!
