Лионель Месси "Интер Майами"нинг "Орландо Сити"га қарши ўйиндаги 4:3 ҳисобидаги мағлубиятини кескин танқид қилди. Жамоа ўз майдонида учта гол фарқи билан олдинда бораётганига қарамай, якунда имкониятни бой берди. Бу ҳақда Goal.com хабар беради.
Учрашувнинг 33-дақиқасида Месси гол уриб, ҳисобни 3:0 кўринишига келтирган эди. Бироқ, Мартин Ожеданинг хет-триги ва 93-дақиқада Тайрес Спайсернинг голи меҳмонларга ғалаба келтирди.
Бу натижа амалдаги чемпионларнинг ўз майдонидаги ғалабасиз сериясини тўртта ўйинга етказди.
Ўйиндан сўнг жамоа сардори кийиниш хонасида футболчиларга юзланди. Ҳимоячи Янь Фрайнинг сўзларига кўра, Месси бу ҳолатни қабул қилиб бўлмайдиган деб атаган ва келгуси ўйинларда бундай хатоларга йўл қўймасликни талаб қилган.
Ҳозирда Шарқий конференцияда учинчи ўринни эгаллаб турган "Интер Майами" 9 май куни "Торонто"га қарши сафар ўйинини ўтказади. Жамоа плей-офф йўлланмаси учун курашда ўз ҳимоясидаги муаммоларни ҳал қилиши зарур.
“Zamin”ни Telegram'да ўқинг!
