Испания Ла Лигасида чемпионлик масаласи ҳал бўлиш арафасида. “Барселона” жамоаси бугуннинг ўзидаёқ расман мамлакат чемпионига айланиши мумкин.
34-тур доирасида Ҳанс-Дитер Флик шогирдлари меҳмонда “Осасуна”ни 2:1 ҳисобида мағлуб этиб, муҳим уч очкони қўлга киритди. Бу ғалаба каталонияликларга турнир жадвалида янада мустаҳкам устунлик берди.
Айни пайтда “Барселона” 14 очко фарқ билан “Реал Мадрид”дан илгарилаб кетган. Мадридликларда захирада яна битта ўйин мавжуд бўлса-да, вазият жуда жиддий тус олган.
Бугун тунда “қаймоқранглилар” ўз майдонида “Эспанёл”га қарши баҳс олиб боради. Агар Алваро Арбелоа бошчилигидаги жамоа ушбу ўйинда очко йўқотса, “Барселона” расман Ла Лига чемпиони сифатида эълон қилинади.
Шу боис бугунги ўйин нафақат “Реал” учун, балки бутун чемпионлик пойгаси тақдири учун ҳал қилувчи аҳамият касб этади. Барча нигоҳлар Мадриддаги баҳсга қаратилган — чунки айнан шу учрашув чемпион номи аниқланишига сабаб бўлиши мумкин.
“Zamin”ни Telegram'да ўқинг!
