Генич Чемпионлар лигасининг 7-турида икки клубни ажратиб кўрсатди

Машҳур комментатор Константин Генич УЕФА Чемпионлар лигасининг умумий босқичидаги навбатдаги ўйинлардан сўнг норвегиялик «Буде-Глимт»нинг иштирокини юқори баҳолади. Сўнгги учрашувда скандинавлар кутилмаганда «Манчестер Сити»ни 3:1 ҳисобида мағлуб этди. Бу ҳақда euro-football.ru хабар беради.

Геничнинг фикрича, 7-турдаги энг катта сенсация айнан «Буде-Глимт» бўлди. У яна бир кутилмаган таассурот сифатида «Арсенал»нинг ўйин услубини ҳам тилга олди: комментатор лондонликлар «Интер»га қарши жуда очиқ ва дадил футбол намойиш этганини таъкидлади. Бу фикрлар «Коммент.Шой» YouTube канали орқали келтирилди.

Етти турдан сўнг «Арсенал» 21 очко жамғариб, Чемпионлар лигаси умумий босқичи турнир жадвалида пешқадамлик қилмоқда. «Буде-Глимт» эса ҳозирча 6 очко билан 28-ўринда бормоқда.

Bahodir

«ZAMIN.UZ» муҳаррири