"Атлетиcо" бош мураббийи Диего Симеоне Чемпионлар лигаси ярим финалида "Арсенал"га қарши ўйин олдидан барча асосий таркиб ўйинчиларига дам берди. Бунга қарамай, унинг жамоаси Испания чемпионатида "Валенсия" устидан 2:0 ҳисобида ғалаба қозонди. Бу ҳақда Goal.com хабар беради.
Симеоне олдинги ўйиндаги 11 нафар футболчининг барчасини алмаштиришга қарор қилди. У Лондон сафарига тайёргарлик кўриш мақсадида "Валенсия"га қарши бутунлай янги таркибни майдонга туширди.
Захира ўйинчилари ўйинни тўлиқ назорат қилиб, ишончли ҳаракат қилди.
Учрашувнинг иккинчи бўлимида академия тарбияланувчилари ўзини кўрсатди. 20 ёшли Икер Луке захирадан майдонга тушганидан 10 дақиқа ўтиб, 74-дақиқада ҳисобни очди.
Орадан саккиз дақиқа ўтгач, 18 ёшли Кубо Антуан Гризманнинг узатмасидан сўнг иккинчи голни урди.
Статистика ҳам "Атлетиcо"нинг устунлигини кўрсатди. Жамоа 20 та зарба бериб, хавфли вазиятлар яратди.
"Валенсия" эса дарвоза томон бирорта ҳам аниқ зарба бера олмади. Бу ғалаба орқали мадридликлар ўзларининг голли сериясини 10 та ўйинга етказди.
“Zamin”ни Telegram'да ўқинг!
